Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Practicist / Practicista da surfatschas AFP

Practicistas e practicists da surfatschas nobiliseschan tocs en elavuraziun da tut gener cun surtrair las surfatschas cun metals. Els manischeschan apparats, maschinas ed installaziuns da cranas e guardan che tut ils pass da lavur vegnian fatgs a moda netta.

Lavurs

Durant lur furmaziun pon practicistas e practicists da surfatschas eleger tranter trais accents: surzinar, galvanisar u anodisar. Tut tenor accent exequeschan els suandantas lavurs:

Surzinar:
  • bagnar per exempel spundas dal balcun, tocca da vehichels u construcziuns grondas da pliras tonnas en zinc luà per che quels na fetschian betg ruina
  • lavurar cun cranas d'auzar tar elements pesants
  • trair siador cun ina crana d'auzar l'element en elavuraziun ed al laschar sientar
  • allontanar il zinc en surpli cun ina glima u cun il bugliaduir
Galvanisar:
  • bagnar il toc en elavuraziun en in bogn chemic, l'uschenumnà electrolit
  • surtrair cun agid da l’effect da current cuntinuà electric las surfatschas cun crom, zinc, nichel, arom, argient u aur
Anodisar:
  • bagnar ils tocs en elavuraziun en in bogn en il qual la rasada d'oxid a la surfatscha dal toc en elavuraziun vegn rinforzada cun current electric cuntinuà
  • nobilisar cun quest proceder electrochemic las surfatschas cun aluminium, titan u magnesium

Scolaziun

Basa legala

Ordinaziun federala dals 16-10-2009

Durada

2 onns

Accents

  • surzinar
  • galvanisar
  • anodisar

Furmaziun en la pratica

En in manaschi da la surtratga da surfatschas respectivamain galvanica

Furmaziun en scola

1 di l'emna a la scola professiunala

Roms professiunals

  • tecnologia
  • enconuschientschas da basa en chemia e fisica
  • quints dal fatg

Curs ordaifer il manaschi

Tar differents temas

Diplom

Attest federal professiunal "practicist / practicista da surfatschas AFP"

Premissas

Furmaziun preliminara
  • scola populara terminada cun pretensiuns da basa
Pretensiuns
  • interess per l'elavuraziun en metal ed en materia sintetica
  • inschign manual
  • sanadad robusta
  • naginas allergias
  • movibladad corporala
  • autonomia

Furmaziun supplementara

Curs

purschidas da scolas professiunalas e spezialisadas

Galvanostegist / Galvanostegista AFQ

2 onns (cun l'attest federal professiunal pon practicists da surfatschas AFP far ina furmaziun da basa scursanida sco galvanostegist AFQ). Suenter han els las medemas pussaivladads da furmaziun supplementara sco galvanostegists AFQ.

Cundiziuns da lavur

Practicists da surfatschas e practicistas da surfatschas lavuran en manaschis galvanics u en partiziuns galvanicas da manaschis per la construcziun en metal u en manaschis da materia sintetica.

La purschida da plazzas d'emprendissadi variescha tenor regiun.

Els ston resguardar strictamain las prescripziuns da segirezza sco era la protecziun da la sanadad e da l'ambient perquai ch'els lavuran cun chemicalias.

Ulteriuras infurmaziuns

SSO Associaziun svizra per la tecnica da surfatschas
Seilerstr. 22
Chascha postala 5853
3001 Berna
Tel: +41 31 310 20 33
URL: www.sso-fsts.ch

Federaziun svizra da manaschis galvanics
4052 Basilea
URL: www.galvano.ch

Uniun svizra da l'industria da zincar  VSV
6005 Lucerna
URL: www.verzinkereien.ch

VSA-ASA
8027 Turitg
URL: www.vsa-asa.ch



berufsberatung.ch