Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Elavuratur / Elavuratura da materia sintetica AFP

Elavuraturas ed elavuraturs da materia sintetica lavuran en l’industria da materias sinteticas. Els elavuran materia sintetica tenor las instrucziuns da lur superiurs e controlleschan la qualitad. Els fan ir maschinas, indrizs ed apparats.

Lavurs

Elavuraturas ed elavuraturs da materia sintetica fabritgeschan or da materia prima divers products cun agid da maschinas. Quels cumpiglian discs cumpacts, giugarets, chaschas per computers, emballadis, bischens, apparats per la chasada, folias, euv.

Elavuraturs da materia sintetica lavuran en differentas accents. La materia sintetica vegn pressada, stritgada e sprizzada, laminada u elavurada a moda termica resp. mecanica.

Igl è impurtant ch'ils elavuraturs da materia sintetica surveglian exactamain la producziun dals elements da materia sintetica per ch’il product survegnia ina buna qualitad. Quai è indispensabel per il success dal manaschi. Per quest motiv ston elavuraturs da materia sintetica esser infurmads davart il cuntegn da la materia sintetica e duvrar ils meds da fabricaziun exactamain tenor las instrucziuns da lur superiurs. Cura ch'ils products èn pronts ed ina nova incumbensa preparada, vegnan ils apparats endrizzads da nov.

Elavuraturs da materia sintetica san lavurar cun maschinas ed apparats tenor las prescripziuns. Els lavuran cun autas temperaturas, auta pressiun e materials da gronda qualitad. Per quest motiv ston els enconuscher bain ils ristgs ed ils privels al lieu da lavur. Durant l’utilisaziun da maschinas, d'indrizs e d'apparats resguardan els las reglas e las prescripziuns ch’èn necessarias per l’atgna segirezza, per la protecziun da l’ambient e la sanadad. Ultra da quai procuran els per urden al lieu da lavur.

Scolaziun

Basa legala

Ordinaziun federala 24-11-2008

Durada

2 onns

Accents

  • Pressegiada ed injecziun
  • Extrusiun
  • Producziun da furmaziuns da la surfatscha
  • Producziun da tocs da colliaziun
  • Elavuraziun da materia mesa / furmas termicas

Furmaziun en la pratica

En in manaschi industrial che elavura materias sinteticas

Furmaziun en scola

1 di l'emna a la scola professiunala ad Aarau u Rapperswil.

Roms professiunals

  • fabricaziun
  • garanzia da la qualitad
  • segirezza da la lavur
  • protecziun da la sanadad e protecziun da l’ambient

Curs ordaifer il manaschi

Emprender ed exercitar las basas professiunalas dals differents accents

Diplom

Attest federal professiunal "elavuratur / elavuratura da materia sintetica AFP"

Premissas

Furmaziun preliminara
  • scola populara terminada
Pretensiuns
  • enclegientscha tecnica
  • inschign manual
  • plaschair d’endrizzar e d'utilisar maschinas
  • constituziun sauna e ferma
  • flexibilitad en connex cun il temp da lavur

Furmaziun supplementara

Curs

purschidas d’associaziuns e da scolas professiunalas

Tecnolog / Tecnologa da materias sinteticas AFQ

Elavuraturs / elavuraturas da materia sintetica AFP pon frequentar ina furmaziun da basa scursanida sco tecnolog / tecnologa da materias sinteticas AFQ (entrada en il 2. onn da la furmaziun da basa). Suenter èn pussaivlas las medemas furmaziuns supplementaras sco per tecnologs / tecnologas da materias sinteticas AFQ.

Cundiziuns da lavur

Elavuraturs ed elavuraturas da materia sintetica lavuran en differents manaschis industrials en secturs sco materia sintetica, construcziun da maschinas, electronica, uras, automobils, emballadis, urdains da sport, euv.

Ils indrizs da fabricaziun giran da di e da notg e pretendan lavur en squadras. Las plazzas da lavur da l’industria da materias sinteticas vegnan a s’augmentar ils proxims onns.

Ulteriuras infurmaziuns

Swiss Plastics
Schachenallee 29 C
5000 Aarau
Tel: 062 834 00 60
Fax: 062 834 00 61
URL: www.swiss-plastics.ch
URL: www.kunststofftechnologe.ch

Revista professiunala:
"kunststoffxtra"



berufsberatung.ch