Zum Titel springen

Practicist / Practicista da montascha d’indrizs da schelentar AFP

Practicistas e practicists da montascha d’indrizs da schelentar gidan a concepir sistems da schelentar, indrizs da climatisar u auters indrizs da sfradentar. Els construeschan e monteschan conducts da bischens e las cumponentas correspundentas. Las lavurs da mantegniment tutgan medemamain tar lur incaricas. Tar indrizs vegls remplazzan e demonteschan els las parts e dismettan quellas adattà a l'ambient.

Lavurs

Sistem da sfradentar sa chattan en butias, mazlarias, pasternarias, restaurants , manaschis da l'industria, ospitals, labors da perscrutaziun, centers da calculaziun, patineras artifizialas ed en chasas d'abitar ed edifizis da mastergn. Practicistas e practicists da montascha d'indrizs da schelentar exequeschan suandantas lavurs:

Preparaziun
  • Planisar l'engaschament da lavur
  • Endrizzar e segirar il plaz da lavur
  • Pinar conducts da bischen e las parts (cumponentas) correspundentas  e tagliar  bischens d'arom ed atschal sche necessari
Montascha
  • montar ils conducts da bischens e las cumponentas
  • colliar ils conducts da bischens e las cumponentas e controllar che quels sajan ermetics
  • scriver rapports
  • mantegnair ils indrizs, il guaffens e las maschinas
  • dismetter ils ruments dal emballadi e dals plazzas e las substanzas da sfradentar adattà a l'ambient
Mantegniment
  • mantegnair indrizs da sfradentar existents da la clientella
  • demontar e remplazzar sistems vegls da sfradentar tar la clientella
  • dismetter conducts da bischens vegls, cumponentas isadas, substanzas da sfradentar adattà a l'ambient
  • enconuscher e resguardar las prescripziuns davart la segirezza da la lavur, la protecziun da la sanadad e la protecziun da l’ambient

Scolaziun

Basa legala

Ordinaziun federala 14-4-2020

Durada

2 onns

Furmaziun en la pratica

En in manaschi da la branscha d’indrizs da schelentar e climatisar u da pumpas a chalur

Furmaziun en scola

1 di l'emna a la scola professiunala gibb a Berna

Roms professiunals

  • preparar e terminar las lavurs
  • construir conducts da bischen e montar cumponentas
  • construir conducts da bischen e montar cumponentas
  • Curs ordaifer il manaschi

    Introducziun, basa e profundaziun en la montascha a la Scola auta tecnica a Winterthur

    Diplom

    Attest federal professiunal "practicist / practicista da montascha d'indrizs da schelentar AFP"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • sanadad robusta
  • movibladad corporala

Furmaziun supplementara

Curs

purschidas da l'Uniun svizra per la frigotecnica SVK, da scolas professiunalas e spezialisadas sco er manaschis da furniziun da la branscha per la frigotecnica

Montader / montadra d’indrizs da schelentar AFQ

Practicists da montascha d’indrizs da schelentar AFP pon frequentar ina furmaziun da basa sco montader / montadra d’indrizs da schelentar AFQ (access al segund onn da la furmaziun da basa). Suenter han els las medemas pussaivladads da furmaziun supplementara sco montaders d’indrizs da schelentar AFQ.

Cundiziuns da lavur

Practicists e practicistas da montascha d’indrizs da schelentar lavuran sco emploiads en in manaschi da la branscha d’indrizs da sfradentar. I sa tracta oravant tut da manaschis pitschens e mesauns cun ca. 10 collavuraturs.

Ulteriuras infurmaziuns

Uniun svizra per la frigotecnica SVK
Secretariat
Eichistr. 1
6055 Alpnach Dorf
Tel: +41 670 30 45
URL: www.cooler-job.ch




berufsberatung.ch