Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Practicist / Practicista da montascha d’indrizs da schelentar AFP

Practicistas e practicists da montascha d’indrizs da schelentar gidan a concepir sistems da schelentar. Els surpiglian lavurs da mantegniment e gidan a renatiralisar indrizs antiquads.

Lavurs

Butias, mazlarias, pasternarias e restaurants èn dependents da sistems da schelentar. Era per patineras artifizialas, manaschis da l’industria d’alimentaziun e da l'industria chemica, ospitals, labors da perscrutaziun e centers da calculaziun èn indrizs frigotecnics ina necessitad. En chasas d'abitar ed edifizis da mastergn procuran indrizs d’aria cundiziunada per in clima agreabel.

Practicists da montascha d’indrizs da schelentar gidan a construir ed installar ils indrizs. Cun agid da las instrucziuns da lur schefs construeschan els conducts da bischens. Els taglian bischens d’arom e d’atschal, als storschan en la dretga furma ed als monteschan en l’edifizi.

Quests bischens transportan las substanzas da sfradentar davent dal condensader, il motor dal sistem da schelentar, a las localitads che ston vegnir sfradentadas. Empè da radiaturs che dattan giu chalira èn installads elements da sfradentar che duain extrair la chalira da la localitad.

Sistems da schelentar cumpiglian sper ils conducts da bischens differents apparats ed armaturas: condensaders, transfurmaturs da chalur, pumpas, recipients, ventils, instruments da mesirar u organs regulativs. Quests apparats e questas armaturas collian practicists da montascha d’indrizs da schelentar cun agid da las instrucziuns da lur schefs al sistem da conducts da bischens.

Tar las incumbensas da practicists da montascha d’indrizs da schelentar tutgan era lavurs da mantegniment dals sistems da schelentar gia montads sco la demontascha d’indrizs antiquads.

Tar tut las lavurs resguardan practicists da montascha d’indrizs da schelentar las prescripziuns davart la segirezza da la lavur, la protecziun da la sanadad e la protecziun da l’ambient. Ruments e substanzas ch’èn privlusas per l’ambient dismettan els tenor las normas legalas e las prescripziuns dal manaschi.

Scolaziun

Basa legala

Ordinaziun federala 4-11-2011

Durada

2 onns

Furmaziun en la pratica

En in manaschi da la branscha d’indrizs da schelentar e climatisar u da pumpas a chalur

Furmaziun en scola

1 di l'emna a la scola professiunala

Roms professiunals

  • construir conducts da bischens e montar cumponentas
  • garantir la segirezza da la lavur, la sanadad, la protecziun da l’ambient, il mantegniment da la valur e la tgira
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "practicist / practicista da montascha d'indrizs da schelentar AFP"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • sanadad robusta
  • movibladad corporala

Furmaziun supplementara

Curs

purschidas da scolas spezialisadas e professiunalas, d’associaziuns sco era da manaschis da furniziun da la branscha d’indrizs da schelentar

Montader / montadra d’indrizs da schelentar AFQ

Practicists da montascha d’indrizs da schelentar AFP pon frequentar ina furmaziun da basa sco montader / montadra d’indrizs da schelentar AFQ (access al segund onn da la furmaziun da basa). Suenter han els las medemas pussaivladads da furmaziun supplementara sco montaders d’indrizs da schelentar AFQ.

Cundiziuns da lavur

Practicists da montascha d’indrizs da schelentar lavuran sco emploiads en in manaschi da la branscha d’indrizs da schelentar. I sa tracta oravant tut da manaschis pitschens e mesauns cun ca. 7 - 9 collavuraturs. Ulteriuras plazzas porschan firmas industrialas e commerzialas, nua che practicists da montascha d’indrizs da schelentar pon lavurar en il servetsch da mantegniment u en la logistica.

Ulteriuras infurmaziuns

Uniun svizra per la frigotecnica SVK
Secretariat
Eichistr. 1
6055 Alpnach Dorf
Tel: 041 670 30 45
URL: www.svk.ch




berufsberatung.ch