Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Nettegiader / Nettegiadra d’edifizis AFP

Nettegiadras e nettegiaders d’edifizis nettegian e tgiran edifizis e meds da transport. Els elegian metodas da nettegiar adattadas, dovran meds da nettegiar effizients e guardan che las maschinas da nettegiar vegnian utilisadas a moda correcta.

Lavurs

Nettegiadras e nettegiaders d’edifizis  sa participeschan al nettegiament, a la tgira ed al mantegniment d’edifizis e da meds da transport. Els guardan per la nettezza e l'igiena en abitaziuns, biros, locals da butia, ospitals, fabricas, trams e trens, sin plazzals, euv.

En abitaziuns e biros procuran nettegiaders d’edifizis per exempel per ils nettegiaments da mantegniment, ils nettegiaments intermediars ed ils nettegiaments da basa u ch'els allontaneschan tatgs en tarpuns. Construcziuns novas ch’èn finidas nettegian els avant la surdada da las clavs.

Durant la lavur resguardan nettegiaders d’edifizis las directivas da lur schefs. Els elegian la metoda da nettegiar adattada e dovran ils apparats da lavur corrects. Els tschernan er ils meds da nettegiar uschia che quels na chaschunan nagins donns. A la fin controlleschan els lur lavur, fan urden cun il material e tegnan net il plaz da lavur.

Nettegiaders d’edifizis dovran maschinas da nettegiar sco nettegiaders a pressiun auta, maschinas da scuar e da tschitschar, maschinas da lavar si e tschitschar ed autras. Els utiliseschan las maschinas a moda correcta e surpiglian las lavurs da mantegniment necessarias.

Durant tut las lavurs resguardan ils nettegiaders d’edifizis las prespripziuns davart la segirezza da la lavur, la protecziun da la sanadad, l’igiena e la protecziun da l’ambient.

Scolaziun

Basa legala

Ordinaziun federala 15-9-2010

Durada

2 onns

Furmaziun en la pratica

En in manaschi da nettegiar

Furmaziun en scola

1 di l'emna a la scola professiunala

Roms professiunals

  • nettegiament, tgira, mantegniment
  • segirezza da la lavur, protecziun da la sanadad, protecziun da l’ambient, igiena
  • Curs ordaifer il manaschi

    Tar differents temas

    Diplom

    Attest federal professiunal "nettegiader / nettegiadra d’edifizis AFP"

Premissas

Furmaziun preliminara
  • scola populara terminada
Pretensiuns
  • enclegientscha pratica
  • sanadad robusta
  • buna constituziun e movibilitad corporala
  • naginas allergias (en connex cun products da nettegiar)
  • senza sturnizi
  • abilitad da lavurar en in team e buna demananza
  • plaschair da lavurar en differents lieus

Furmaziun supplementara

Curs

purschidas da scolas spezialisadas e professiunalas sco era da l’Associaziun da las interpresas svizras da nettegiament Allpura (p.ex. curs da chemicalias, cumbat cunter parasits, nettegiament da fatschadas, euv.)

Nettegiader / Nettegiadra d’edifizis  AFQ

nettegiaders / nettegiadras AFP pon frequentar ina furmaziun da basa scursanida sco nettegiader / nettegiadra AFQ (access al segund onn da la scolaziun da basa

Suenter èn pussaivlas las medemas furmaziuns supplementaras sco per nettegiaders / nettegiadras d’edifizis AFQ

Cundiziuns da lavur

Nettegiaders d’edifizis lavuran en manaschis da nettegiament da differenta grondezza e direcziun. Els èn savens sin via e ston adina puspè s’adattar a novs conturns. Per part ston els er lavurar la saira e durant las fins d’emna.

Ulteriuras infurmaziuns

Allpura Associaziun da las interpresas svizras da nettegiament
Secretariat da curs e d'examens
Tribschenstr. 7
Chascha postala 3065
6002 Lucerna
Tel: 041 368 58 22
URL: www.allpura.ch



berufsberatung.ch