Zum Titel springen

Practicist / Practicista da textilias AFP

Practicists e practicistas da textilias lavuran vi da la fabricaziun da products textils per tarpuns, mobiglias, sumbrivals, bandieras, raits e products sumegliants. Els fan diever da las maschinas e surveglian la producziun dals materials textils.

Lavurs

Els exequeschan suandantas lavurs:

Avant la producziun
  • ir per la materia prima en il deposit e la controllar
  • installar indrizs ed apparats ed als munir
  • emplenir maschinas da colurar cun meds da colurar e meds auxiliars
Durant la producziun
  • aviar las maschinas e survegliar che quellas funcziunian senza problems durant la producziun
  • reagir tar disturbis tecnics
  • far attenziun da furnir provediment da material
  • controllar ils products finids e reparar sbagls, sch'i è necessari
  • resguardar las prescripziuns davart la protecziun da la sanadad e da l’ambient
  • nettegiar las maschinas e far attenziun a lur funcziunamentv
Suenter la producziun
  • emballar ils products, tatgar si etichettas e magasinar la rauba professiunalmain
  • enconuscher las directivas davart l’allontanament da chemicalias e dal rument

Scolaziun

Basa legala

Ordinaziun federala 8-7-2014 (versiun dals 1-1-2018)

Durada

2 onns

Accents

  • Fabricaziun da products textils
  • Confecziun da textilias tecnicas

Furmaziun en la pratica

En in manaschi da l’industria da textilias

Furmaziun en scola

1 di per emna a la scola professiunala

Roms professiunals

  • calculaziuns professiunalas
  • fibra, surfatschas textilas e fabricats textils
  • chemicalias e meds auxiliars textils; chadaina da fabricaziun textila
  • provas e controllas vi da textilias; descripziun da la qualitad
  • tecnica da colliaziun, materials, utensils e maschinas
  • prescripziuns e mesiras davart la segirezza da la lavur e la protecziun da la sanadad e da l’ambient
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attestat federal professiunal "practicist / practicista da textilias AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • plaschair vi da textilias
  • senn per furmas e colurs
  • perseveranza e pazienza

Furmaziun supplementara

Curs

purschidas da la Schweizerische Textilfachschule STF

Tecnolog / Tecnologa da textilias AFQ

Sut tschertas cundiziuns pon practicistas da textilias AFP frequentar ina furmaziun scursanida sco tecnologas da textilias AFQ (entrada al 2. onn da furmaziun da basa).

Suenter quai han ellas las medemas pussaivladads da furmaziun supplementara sco tecnologas da textilias AFQ.

Cundiziuns da lavur

Practicistas da textilias lavuran en manaschis da filandaria / suernaria, da la tecnica da sugas e d’auzar, en tessarias / manaschis da lavurs da stgaina (cun tailas na tessidas sco vlies) ed en manaschis da confecziun u en interpresas da nobilisaziun. Tut tenor il manaschi èn las maschinas en funcziun da tuttas uras e pretendan da persunas qualifitgadas lavur en squadras.

Ulteriuras infurmaziuns

Swiss Textiles Textilverband Schweiz
Beethovenstr. 20
Postfach
8022 Zürich
Tel: +41 44 289 79 79
URL: www.textilberufe.ch




berufsberatung.ch