Lavurs
Practicistas e practicists d’economia da chasa lavuran en manaschis cun bler truscha da glieud. Quai èn per exempel ospitals, clinicas, chasas da tgira u hotels. Els procuran per urden e nettezza, gidan a preparar las spaisas e lavuran en il sevice, cusseglian la clientella e fan lavurs administrativas.
Practicists d’economia da chasa nettegian localitads e mobiglias. Els guardan che tut ils apparats funcziunian. Sch’insatge è defect, annunzian els quai al superiur.
En lur manaschis datti mintga di bler da lavar. Practicists d’economia da chasa rimnan e zavran laschiva. Els san co utilisar maschinas da lavar e da far or cun il fier e san lavar vestgadira e laschiva a moda correcta.
En l’alimentaziun gidan practicists d’economia da chasa da preparar las spaisas. Els lavuran tenor instrucziuns da lur superiurs ed ensemen cun auters collavuraturs. En la cuschina utiliseschan els maschinas da lavar giu ed auters apparats da tegnairchasa.
En il service surpiglian practicists d’economia da chasa incumbensas sco metter a maisa, decorar e dustar giud maisa.
Practicists d’economia da chasa fan simplas lavurs administrativas en biro. Els empostan per exempel material, sche necessari.
Practicists d’economia da chasa han bunas abilitads praticas e san ademplir a moda amiaivla e servetschaivla ils giavischs individuals dals clients e da las clientas.
Scolaziun
Basa legala
Ordinaziun federala 10-9-2015
Durada
2 onns
Furmaziun en la pratica
En chasas da tgira, ospitals, clinicas u hotels
Furmaziun en scola
Per regla 1 di l'enma a la scola professiunala
Roms professiunals
- cussegliar e servir clientella
- nettegiar ed endrizzar localitads e structuras
- lavurs en la circulaziun da la laschiva
- preparar e reparter spaisas
- lavurs administrativas
- promover l’atgna sanadad
Curs ordaifer il manaschi
Emprender ed exercitar a moda pratica la basa professiunala
Diplom
Attest federal professiunal "practicist / practicista d’economia da chasa AFP"
Premissas
Furmaziun preliminara
- scola populara terminada
Pretensiuns
- persuna inschignaivla
- sentiment per urden e nettezza
- buna sanadad
- abilitad da supportar squitsch
- fidadadad
- s’occupar a moda amiaivla cun umans
- chapir bain tudestg svizzer
Furmaziun supplementara
Curs
purschidas da scolas ed associaziuns professiunalas davart differents temas
Spezialist / Spezialista d’economia da chasa AFQ
Practicists d’economia da chasa AFP pon frequentar ina furmaziun da basa scursanida sco spezialists d’economia da chasa AFQ (access al segund onn da la furmaziun da basa).
Suenter han els las medemas pussaivladads da furmaziuns supplementaras sco spezialists d’economia da chasa AFQ.
Cundiziuns da lavur
Practicists d’economia da chasa lavuran savens en manaschis gronds sco per exempel chasas da tgira, ospitals, clinicas e restaurants.
Els vegnan duvrads dapertut nua che vegnan accumpagnads blers giasts, cussedents u pazients.
Ulteriuras infurmaziuns
OdA Economia da chasa Svizra
Adligenswilerstr. 22
Postfach 3027
6002 Lucerna
Tel: 041 921 62 77
URL: www.oda-hauswirtschaft.ch