Zum Titel springen

Gidanter / Gidantra da restaurant AFP

Gidantras e gidanters da restaurant AFP s'occupan dals giasts en il restaurant. Ellas ed els mettan a maisa, servan spaisas e bavrondas, lavuran al buffet e nettegian apparaturas.

Lavurs

Els exequeschan suandantas lavurs:

Preparar las maisas
  • metter a maisa
  • embellir las maisas cun flurs ed autras decoraziuns, per exempel per ina tschaina da fatschenta u per ina festa d'anniversari
  • tscherner la pusada che va a prà cun ils menus e controllar, sche la vaschella è netta
Retschaiver ils giasts
  • beneventar ils giasts
  • accumpagnar ils giasts tar la maisa, prender encunter las giaccas dals giasts e las pender vi da la gardaroba
S'occupar dals giasts
  • servir l'aperitiv, purtar la carta da menu e declerar las spezialitads dal di
  • derscher suenter las bavrondas, purtar paun, dustar la vaschella vida
  • stampar il quint ed al surdar al giast
Preparar buffets
  • preparar spaisas e bavrondas per buffets
  • lavurar en il magasin e tegnair urden
  • nettegiar mobiglias ed apparaturas

Scolaziun

Durada

2 onns

Furmaziun en la pratica

En in restaurant, en in hotel u en in restaurant da persunal

Furmaziun en scola

Variescha tut tenor il chantun: 1 di per emna a la scola professiunala spezialisada ubain duas giadas l'onn curs da bloc (mintgamai 5 emnas) en in hotel da scola da hotelleriesuisse.

Roms professiunals

  • agir sco ospitanta u ospitant
  • concepir il service da las bavrondas
  • concepir il service da las spaisas
  • realisar ils process da l'economia da manaschi e da l'orientaziun a la vendita
  • garantir ils process logistics ed il mantegniment da la valur
  • Curs ordaifer il manaschi

    Emprender la lavur pratica, approfundar ed exercitar las basas professiunalas, 16 dis durant 2 onns.

    Diplom

    Attestat federal professiunal "gidanter / gidantra da restaurant AFP"

Premissas

Furmaziun preliminara
  • terminà la scola obligatorica
Pretensiuns
  • plaschair vi dal contact cun persunas
  • prontezza da s'occupar dals giavischs dals giasts
  • apparientscha cultivada
  • gentilezza e curtaschia
  • fidadadad, avair urden
  • abilitad da supportar squitsch
  • abilitad da lavurar en in team
  • senn per igiena

Furmaziun supplementara

Curs

GastroSuisse e HotellerieSuisse porschan curs davart differents temas.

Spezialist / Spezialista da restaurant AFQ

Gidantras e gidanters da restaurant AFP pon per regla far in emprendissadi scursanì sco spezialista u spezialist da restaurant AFQ.
Suenter pon vegnir absolvidas las medemas furmaziuns supplementaras sco per spezialista u spezialist da restaurant AFQ.

Cundiziuns da lavur

Gidantras e gidanters da restaurant lavuran en restaurants, en hotels ed en restaurants da persunal. Lur uras da lavur èn irregularas e tut tenor manaschi lavuran ellas ed els fin la saira tard, la fin d'emna ed ils firads.

Futuras gidantras e futurs gidanters da restaurant duessan tschertgar intensivamain ina plazza d'emprendissadi ed era esser pronts da far la furmaziun da basa en regiuns champestras u en territoris turistics.

Ulteriuras infurmaziuns

Infurmaziuns davart la professiun e plazzas d'emprendissadi da la hotellaria e gastronomia
8046 Turitg
URL: www.berufehotelgastro.ch

GastroSuisse
Associaziun d'hotellaria e restauraziun
8046 Turitg
Tel: +41 848 377 111
URL: www.www.gastrosuisse.ch

Hotelleriesuisse
Monbijoustr. 130
3001 Berna
Tel: +41 31 370 42 83
URL: www.hotelleriesuisse.ch

Hotel & Gastro formation
6353 Weggis
URL: www.hotelgastro.ch



berufsberatung.ch