Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Pasterner / Pasternera - Pastizier / Pastiziera - Confisier / Confisiera AFP

Pasterners e pasterneras - pastiziers e pastizieras - confisiers e confisieras AFP lavuran en manaschis pitschens u en interpresas da producziun grondas. Els produceschan paun, preparan sandwichs u orneschan turtas. Suenter la lavur nettegian els ils apparats duvrads.

Lavurs

Pasterners e pasterneras - pastiziers e pastizieras - confisiers e confisieras produceschan diversas pastizarias e dultschims. Latiers tutgan paun, pastizarias, snacks e paunins garnids, turtas, pralinas, divers desserts e bler auter. Els lavuran a moda autonoma tenor l’avis dals superiurs.

Per cumenzar la lavur paisan pasterners-pastiziers-confisiers tut las ingredienzas precisamain tenor recept. Els san co che las materias primas ston vegnir magasinadas e co ch’ellas vegnan utilisadas. Els controlleschan la qualitad da las ingredienzas.

Silsuenter mettan pasterners-pastiziers-confisiers las ingredienzas p.ex. en ina maschina da truschar, zullan la pasta, furan ora furmas u fan tarscholas. La pasta vegn per regla magasinada curtamain en ina frestgera avant ch’ella vegn messa en furn.

Suenter quests pass da lavur stauschan pasterners-pastiziers-confisiers la rauba en il furn e regleschan la temperatura. Cura che la pasta è cotga, sto ella anc sfradentar. Mintgatant vegnan ils products decorads e surtratgs d’ina glasura. Ensemen cun lur superiurs e lur collegas preschentan pasterners-pastiziers-confisiers AFP la rauba per la vendita.

En il sectur da la pastizaria produceschan pasterners-pastiziers-confisiers AFP pastas dultschas per pettas e turtas u pastizaria sitga e truschan pasta da biscuit. En il sectur da la confisaria lavuran els cun tschigulatta, nuschs, fritga u marzipan e gidan a producir pralinas ed autras spezialitads. Durant l’elavuraziun dal paun e las pastizarias èn l’igiena e la nettezza fitg impurtantas. Tut ils utensils vegnan nettegiads mintga di a moda conscienziusa.

Scolaziun

Basa legala

Ordinaziun federala 01-11-2017

Durada

2 onns

Furmaziun en la pratica

En in manaschi da pasternaria-pastizaria-confisaria u en in’interpresa da producziun industriala

Furmaziun en scola

1 di per emna a la scola professiunala

Roms professiunals

  • professiun e tecnologia
  • qualitad e segirtad
  • furmar e preschentar
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attestat federal professiunal "pasterner / pasternera - pastizier / pastiziera - confisier / confisiera AFP"

Premissas

Furmaziun preliminara
  • scola populara terminada
Pretensiuns
  • plaschair da s’occupar cun pastizarias e dultschims
  • bun gust e bun nas
  • mauns inschignaivels
  • prontadad per temps da lavur flexibels
  • conscienza d’igiena
  • senn per l’urden
  • buna sanadad e capacitad (savens lavur en pe)
  • naginas allergias, nagins eczems e nagin asma
  • abilitad da supportar squitsch en temps hectics

Furmaziun supplementara

Curs

purschidas da la scola spezialisada Richemont a Lucerna

Pasterner / Pasternera - Pastizier / Pastiziera - Confisier / Confisiera AFQ

Pasterners / pasterneras - pastiziers / pastizieras - confisiers / confisieras AFP pon far ina scolaziun da basa scursanida sco pasterner / pasternera - pastizier / pastiziera - confisier / confisiera AFQ (access en il 2. onn da la furmaziun da basa professiunala).
Silsuenter valan las medemas pussaivladads da furmaziun supplementara sco per ils pasterners / pasterneras - pastiziers / pastizieras - confisiers / confisieras AFQ.

Cundiziuns da lavur

Pasterners-pastiziers-confisiers AFP lavuran en pasternarias, pastizarias e confisarias u en manaschis da producziun industrials da l’industria da pastizarias sco er da l’industria da dultschims. Els lavuran dentant er en chasas d’abitar publicas, ospitals sco er en manaschis d’hotels u gastronomia.

Il cumenzament da lavur è different e sa drizza tenor la grondezza dal manaschi e da la direcziun speziala. En manaschis pli gronds cun ina gronda purschida da pastizaria cumenza la glieud da professiun lur lavur, cura che auters dorman anc. Persuenter pon els nizzegiar il suentermezdi libramain. En gronds manaschis da producziun vegn savens lavurà en lavur da squadra.

Ulteriuras infurmaziuns

Schweiz. Bäcker- Confiseurmeister-Verband
3001 Bern
Tel: 031 388 14 14
URL: www.forme-deine-zukunft.ch

Richemont Fachschule
6006 Luzern
Tel: 041 375 85 85
URL: www.richemont.online




berufsberatung.ch