Zum Titel springen

Spezialist / Spezialista d’infurmaziun e documentaziun AFQ

Spezialists e spezialistas d’infurmaziun e documentaziun lavuran en bibliotecas, posts da documentaziun ed archivs. Els elegian, fan accessibel, magasineschan, conservan e transmettan medias (datotecas, cudeschs, gasettas, fotografias, documents, etc.) ed infurmaziuns.

Lavurs

Els exequeschan suandantas lavurs:

Lavurs da documentaziuns
  • eleger, procurar per e prender encunter medias, datotecas e documents e controllar la quantitad, il cuntegn e la qualitad
  • valitar, classifitgar, cataloghisar, indexar e tgirar las medias
  • administrar, actualisar e stizzar datotecas, publitgar infurmaziuns
  • archivar e conservar las medias el dretg lieu, las emballar e mirar ch'ellas sagian accessiblas a la publicitad u a persunas interessadas
  • tgirar collecziuns e reparar, reconstruir u remplazzar medias defectas
  • far inventaris e dismetter medias che na vegnan betg pli duvradas
Lavur d'infurmaziun
  • far bainvegni a la clientella u als collavuraturs e sclerir lur basegns
  • gidar la clientella da tschertgar medias, datotecas u datas u mussar co vegnir a las infurmaziuns giavischadas, p.ex. cun agid da programs da computers spezials
  • prender encunter ed exequir lavurs da retschertga
  • exequir lavurs administrativas, organisar e controllar l'emprest e la restituziun da las medias e dals documents
  • gidar da sviluppar enavant il manaschi, per exempel engrondir l'inventari ed eleger novas medias
  • sustegnair la reclama ed il marketing d'instituziuns publicas (bibliotecas, archivs publics), gidar d'organisar occurrenzas, guidas ed exposiziuns

Scolaziun

Basa legala

Ordinaziun federala dals 5-7-2021

Durada

3 onns

Furmaziun en la pratica

En ina biblioteca, en in post da documentaziun, en in archiv, en in’instituziun da l’economia privata u en in’administraziun

Furmaziun en scola

2 dis per emna (1. Onn d'emprendissadi), 1 di per emna (2./3.onn d'emprendissadi) a la scola professiunala a Berna, Bienna, Genevra, Losanna, Locarno u Turitg

Roms professiunals

  • acquistar, surpigliar e controllar medias, datotecas e documents
  • administrar datas e metadatas
  • conservar, mantegnair e zavrar medias, datotecas e documents
  • communitgar infurmaziuns e cumpetenzas
  • retschertgar infurmaziuns

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist / spezialista d’infurmaziun e documentaziun AFQ"

Premissas

Furmaziun preliminara
  • temp da scola obligatoric terminà
Pretensiuns
  • flexibilitad intellectuala
  • mirveglias
  • patratgar analitic e sistematic
  • talent per linguas (a bucca ed en scrit)
  • abilitad da communitgar
  • fidadadad
  • senn per urden
  • conscienza da servetschs
  • interess vi da tecnologias d’infurmaziun e vi da medias electronicas

Furmaziun supplementara

Curs

purschidas da las associaziuns professiunalas bibliosuisse e da l'uniun da las archivarias e dals archivaris svizzers (AAS) u da scolas spezialisadas e professiunalas

Scola auta spezialisada (SAS)

Bachelor of Science da scienza d’infurmaziun a la SSSGR Cuira u Bachelor of Science HES-SO en infurmaziun documentara a la Haute école de gestion a Genevra. Tut tenor scola auta spezialisada valan differentas cundiziuns d'admissiun.

Cundiziuns da lavur

Spezialistas e spezialists d'infurmaziun lavuran en bibliotecas da tuttas sorts, archivs privats e publics sco era posts d’infurmaziun e da documentaziun da bancas, assicuranzas, administraziuns publicas, redacziuns da medias, centers da perscrutaziun, ospitals, organisaziuns senza finamira da profit ed auters manaschis. Pli e pli interpresas ed instituziuns engaschan persunas spezialisadas per servetschs d’infurmaziun. Il temp da lavur è il pli savens regulars. Ins po lavurar a temp cumplain u a temp parzial.

Ulteriuras infurmaziuns

Ausbildungsdelegation I+D
Hotelgasse 1
3000 Bern 7
Tel: +41 31 382 49 65
URL: www.ausbildung-id.ch






berufsberatung.ch