Assistenta per sanadad e fatgs socials AFP
Assistent per sanadad e fatgs socials AFP
![[object Object],[object Object]](https://media.sdbb.ch/transform/084618f0-26cd-4037-afb5-97b3ad8765af/BE_22_Assistentin-Gesundheit-und-Soziales_VB-jpg?io=transform:fill,width:740,height:490)
1. onn d’emprendissadi: CHF 740,95.–
2. onn d’emprendissadi: CHF 987,8.–
Assistentas ed assistents per sanadad e fatgs socials gidan persunas en il mintgadi. Ellas ed els sustegnan las persunas da sa trair en e da sa trair ora, da sa lavar, da far la barba e da tagliar chavels. La glieud da professiun accumpogna persunas a la tualetta e sustegna ellas da mangiar e da baiver. Ellas ed els mesiran il pais, la temperatura ed il puls e dattan medicaments. Ultra da quai accumpognan ellas ed els persunas a termins, nettegian locals e fan cumpras.
Incumbensas
- gidar persunas a sa trair en ed a sa trair ora
- lavar, far la barba e tagliar ils chavels a persunas
- accumpagnar persunas a la tualetta, preparar meds auxiliars sco la sutga da notg u svidar satgs d'urin sche necessari
- unscher en cremas, bandaschar chommas e trair en chaltschiels medicinals
- mesirar il pais, la grondezza, la temperatura u il puls
- metter giu e volver persunas che ston star en letg, pia adattar lur posiziun da giaschair
- proteger l'atgna sanadad, p.ex. prender persunas en moda correcta ord il letg, senza engrevgiar memia fitg il dies
- gidar persunas a mangiar ed a baiver
- observar midadas vi dal stadi da sanadad ed infurmar il persunal medical, sch'i dat in cas d'urgenza
- accumpagnar persunas sin spassegiadas u sin via tar la media u tar il fisioterapeut
- dar medicaments
- porscher a persunas in mintgadi reglà, p.ex. organisar gieus u occurrenzas
- metter maisa e nettegiar la sala da mangiar
- nettegiar locals
- controllar apparats
- scriver glistas da cumpras ed ir a far cumpras
- zavrar laschiva, lavar, sientar, stirar e metter davent
- emplenir formulars al computer
Ambient da lavur
Assistentas ed assistents per sanadad e fatgs socials lavuran en ospitals, chasas da dimora u tar persunas a chasa. Ellas ed els fan part da teams cun spezialistas da sanadad, cun spezialists d'assistenza e cun spezialistas d'hotellaria e d'economia. Lur temps da lavur èn savens irregulars. Tut tenor il lieu da lavur lavura la glieud da professiun er durant la notg e las fins d'emna.
Assistentas ed assistents per sanadad e fatgs socials lavuran en chasas da persunas attempadas e da tgira, instituziuns per persunas cun impediments, ospitals, centers da reabilitaziun, clinicas psichiatricas u tar la Spitex. Il sectur da tgira e d'assistenza ha savens mancanza da persunas spezialisadas. En centers da persunas attempadas e da tgira è la glieud da professiun tschertgada.
Pretensiuns e interess
- Empatia
- Curtaschia e sensibilitad
- Abilitad da lavurar en in team
- Discreziun
- Equiliber emoziunal
- Senn per igiena e per nettezza
- Prontezza da lavurar durant uras irregularas u servetschs da notg
- Pazienza
- Gidar e tgirar autras persunas
- Avair contact cun persunas
- Lavurar en il team
- Lavurar en moda exacta
Scolaziun
En ina instituziun dals fatgs da sanadad u dals fatgs socials
1 di per emna en la scola professiunala
Emprender, approfundar ed exercitar las basas professiunalas, 24 dis durant 2 onns
2 onns
Terminà la scola obligatorica
Assistent / Assistenta per sanadad e fatgs socials AFP
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er d'associaziuns professiunalas
Emprendissadi supplementar
Assistentas ed assistents per sanadad e fatgs socials AFP pon per regla far in emprendissadi scursanì sco Spezialist / Spezialista da sanadad AFQ u sco Spezialist / Spezialista d'assistenza AFQ.
Dapli infurmaziuns dat il film davart la professiun Spezialist / Spezialista da sanadad AFQ.
Suenter pon vegnir absolvidas las medemas furmaziuns supplementaras sco per las furmaziuns da basa respectivas cun AFQ.
Professiuns sumegliantas
