Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Spezialist / Spezialista da giaglinom AFQ

Spezialistas e spezialists da giaglinom lavuran en manaschis da giaglinom u en manaschis agriculs. Els s’occupeschan da pulschains, pulschainas, giaglinas che ovan e pulasters. Els tgiran e pavlan ils animals ed organiseschan la producziun d’ovs e da la charn da giaglinom.

Lavurs

Spezialistas e spezialists da giaglinom èn experts per l’allevament, la tegnida e la pavlada da giaglinom. Els s’occupeschan dal cuaditsch, dals animals giuvens, da giaglinas che ovan e dals animals d’engrasch. Els lavuran en manaschis agriculs ed en manaschis da cuaditsch sco era sin farmas da giaglinom. Là èn els responsabels per la tegnida d’animals adequata a lur natira e la producziun ecologica dals ovs e da la charn da giaglinom.

Spezialists da giaglinom elavuran las cundiziuns optimalas per l’allevament da giaglinom. Ils ovs vegnan cuads en grondas cueras che ston avair constantamain la medema temperatura. Ils spezialists da giaglinom mettan ils ovs en caums che vegnan vulvids mecanicamain e controlleschan suenter intgins dis cun agid da lampas spezialas, sch’els èn fructifitgads. Suenter ch’ils pulschains èn sortids da l’ov, vegnan els sortids tenor schlattaina. Ils spezialists als mettan en ina stalla prestgaudada ed als provedan cun aua e pavel. Las pulschainas mettan els suenter in temp da la stalla d’allevament en la stalla per las giaglinas che ovan.

Tut tenor il manaschi vegnan ils animals tegnids en stallas climatisadas u – quai ch’è spezialmain adequat a la natira dals animals – al liber tenor l’ordinaziun da l’agricultura biologica. Ils animals vegnan savens pavlads cun agid d’indrizs automatics che ston vegnir programmads e controllads. Cun reglar il clima en stalla, la glisch ed il pavel dirigian ils spezialists da giaglinom las pausas da metter ovs e la paliranza.

Tar ils pensums dals spezialists da giaglinom tutgan er il mantegniment dals edifizis e dals indrizs e la reparatura da pitschens donns. I dovra bler temp da rumir, nettegiar e dischinfectar las stallas ed ils indrizs. Uschia eviteschan las persunas dal fatg malsognas ed epidemias. Ultra da quai observan ils spezialists da giaglinom exactamain ils animals, per ch’els possian identifitgar e schliar fitg baud eventuals problems.

En lur mintgadi resguardan spezialists da giaglinom las prescripziuns davart la protecziun da l’ambient e davart la segirezza da lavur e protegian, p.ex. tras la vestgadira da lavur adequata, era lur atgna sanadad. Els magasineschan ed elavuran a moda professiunala ils products e garanteschan uschia lur qualitad. Els rimnan ils ovs, als assorteschan tenor la grondezza e qualitad, als bullan ed als emballeschan per la vendita.

Spezialists da giaglinom s’occupeschan era savens da la commerzialisaziun e la vendita dals ovs e da la charn. Occasiunalmain cusseglian els era purs davart dumondas co tegnair e pavlar giaglinom u lavuran en gremis professiunals.

Scolaziun

Basa legala

Ordinaziun federala 8-5-2008 (stan 1-3-2017)

Durada

3 onns

Furmaziun en la pratica

En almain dus manaschis da giaglinom

Furmaziun en scola

  • 1. + 2. onn: 1-2 dis l’emna a la scola professiunala
  • 3. onn: 16-20 emnas da bloc en l’Aviforum ed a la scola agricula

Roms professiunals

cultivaziun da plantas, tegnair animals, mecanisaziun ed indrizs tecnics, conturn da lavurar, rom d’elecziun

La furmaziun da basa po era vegnir absolvida cun il rom d’accent agricultura biologica.

Curs ordaifer il manaschi

segirezza a la lavur, protecziun da la sanadad, drizzar e mantegnair maschinas, igiena, garanzia da la qualitad, utilisaziun da vehichels idraulics, transport segir d’animals, intervenziuns al giaglinom

Maturitad professiunala

La furmaziun en scola vegn absolvida en curs da bloc e perquai vegn la scola da maturitad professiunala frequentada en general pir suenter la furmaziun da basa.

Diplom

Attestat federal da qualificaziun "spezialist / spezialista da giaglinom AFQ"

Premissas

Furmaziun preliminara
  • scola populara terminada
  • in fufragnadi d’ina u duas emnas vegn cusseglià
  • cun in attest federal professiunal (AFP), in attestat federal da qualificaziun (AFQ) en in’autra professiun u in examen da maturitad vegn la furmaziun per ordinari scursanida a 2 onns.
  • cun in attestat federal da qualificaziun (AFQ) en in’autra professiun agricula po la furmaziun vegnir scursanida a 1 onn.
Pretensiuns
  • plaschair da lavurar cun animals
  • dun d’observar, attenziun durant il contact cun ils animals
  • sentiment per la lavur pratica ed intervenziun corporala
  • fidadadad e perseveranza
  • enclegientscha tecnica
  • sanadad robusta, naginas allergias (pulvra)
  • prontadad da far lavurs malnettas
  • prontadad da lavurar era durant la fin d’emna

Furmaziun supplementara

Curs

purschidas da l’Aviforum e da centers da furmaziun agricula

Furmaziun supplementara

suenter avair terminà la furmaziun da basa po vegnir absolvida ina furmaziun da basa scursanida (1 onn) en in’autra professiun agricula

Examen professiunal (EP)

mainagestiun economia da giaglinom cun certificat professiunal federal u in’auter examen professiunal sin il champ professiunal da l’agricultura

Examen professiunal superiur (EPS)

maister / maistra da l’economia da giaglinom u in’auter examen professiunal superiur en il champ professiunal da l’agricultura

Scola spezialisada superiura (SSS)

agrotecnicher / agrotecnicra SSS, commerziant agricul / commerzianta agricula SSS

Scola auta spezialisada (SAS)

Bachelor of Science (SAS) en agronomia (p.ex. cun approfundaziun en la scienza d’animals da niz)

Cundiziuns da lavur

Spezialists da giaglinom lavuran sco experts u manaders da gestiun sin bains da giaglinom ed en manaschis da cuaditsch. Cun experientscha correspundenta pon els era lavurar sco cussegliaders en la producziun da pavel, en manaschis da la construcziun da stallas, en manaschis dal commerzi d’ovs u en manaschis d’engrasch. In’alternativa è p.ex. er il sectur da victualias sco era la tgira d’animals en zoos e negozis d’animals.

Ils temps da lavur èn per il solit regulars, dentant cun servetschs da remplazzament la dumengia ed ils dis da festa. Persunas interessadas han bunas schanzas da chattar ina plazza d’emprendissadi. Quest emprendissadi vegn absolvì mo da var 6 emprendists ad onn. Spezialists da giaglinom han bunas perspectivas da chattar ina plazza. La branscha spetga sfidas multifaras: products da giaglinom ston ademplir autas pretensiuns da qualitad e la concurrenza internaziunala è gronda.

Ulteriuras infurmaziuns

OdA AgriAliForm
c/o Uniun purila svizra
Laurstr.10
5201 Brugg AG
Tel: 056 462 54 30
URL: www.agri-job.ch

Aviforum
Burgerweg 22
3052 Zollikofen
Tel: 031 915 35 35
URL: www.aviforum.ch

Revista professiunala:
"Schweiz. Geflügelzeitung"



berufsberatung.ch