Zum Titel springen

Tschentapignas AFQ

Tschentapignas construeschan novas pignas e novs cheminés e renoveschan veglias pignas e vegls cheminés. Tar lur incumbensas tutgan era lavurs da mantegniment da pignas da laina da tuttas sorts sco era reparaturas da chamins.

Lavurs

Els exequeschan suandantas lavurs:

Installar e reparar indrizs da pignas
  • installar pignas da cheminé, stgaudaments cun laina e cun pellets producids a moda industriala
  • construir cheminés e pignas novas
  • mantegnair pignas, renovar pignas da plattinas veglias custaivlas e reparar
  • resguardar las prescripziuns davart la segirezza da la lavur, la protecziun da la sanadad, la protecziun cunter incendis e la polluziun da l'aria
Planisar e crear indrizs da stgaudament
  • cussegliar la clientella: da l'idea sur la planisaziun fin a la tgira ed il nettegiament
  • fabritgar fuainas individualas ch'èn pretensiusas da construir a maun
  • far indrizs da gronda qualitad or da crappa e plattas ch'èn resistentas al fieu
  • revestgir la vart exteriura cun plattinas, cheramica, crap natiral, marmel u liadira èsi impurtant d’avair in  flair creativ
  • leger plans e far skizzas d'elements da construcziun
  • chapir e integrar ils process fisicals da la combustiun e la transmissiun da chalur en la planisaziun
  • producir cun la savida tecnica la construcziun da la vita interna da las pignas e l'integraziun d'indrizs supplementars sco installaziuns d'aua chauda, accumulaturs, chalderas d'aua chauda e clappas da fim

Scolaziun

Basa legala

Ordinaziun federala 28-9-2010 (versiun dal 1-1-2018)

Durada

3 onns

Furmaziun en la pratica

En in manaschi da construcziun da pignas

Furmaziun en scola

Instrucziun davart la professiun en curs da mintgamai in'emna a la scola spezialisada feusuisse a Dagmarsellen/LU

Roms professiunals

  • cussegliaziun da la clientella, administraziun, planisaziun da la lavur
  • construcziun da pignas e cheminés
  • montascha ed installaziun da pignas e cheminés prefabritgads
  • segirezza da la lavur, protecziun da la sanadad, protecziun cunter incendis, ecologia
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "tschentapignas AFQ"

Premissas

Furmaziun preliminara
  • temp da scola obligatoric terminà
  • bunas prestaziuns en quint e geometria
Pretensiuns
  • inschign manual
  • constituziun sauna e ferma
  • imaginaziun dal spazi
  • sentiment per furmas e colurs
  • sentiment per connexs constructivs
  • fidadadad e perseveranza

Furmaziun supplementara

Curs

purschidas da la scola spezialisada Froburg sco era da l'industria da furniziun

Furmaziun da basa scursanida

tschentaplattas AFQ, spazzachamin AFQ

Examen professiunal (EP)

cun certificat professiunal federal: spezialist / spezialista per sistems da chalur, controllader /controlladra da brischaders u spezialist /spezialista da la protecziun cunter incendis

Examen professiunal superiur (EPS)

maister / maistra tschentapignas

Scola spezialisada superiura (SSS)

studis en direcziuns spezialas parentadas, p.ex. tecnicist /tecnicista dipl. SSS tecnica d'edifizis, approfundaziun en tecnica da stgaudament

Scola auta spezialisada (SAS)

studi en direcziuns spezialas parentadas, p.ex. Bachelor of Science (SAS) en tecnica d'edifizis. tut tenor scola auta spezialisada valan differentas cundiziuns d'admissiun.

Cundiziuns da lavur

Tschentapignas lavuran en manaschis da pignas. Quests manaschis èn per il solit pli pitschens ed han en media trais collavuraturs. Suenter la furmaziun supplementara pon tschentapignas manar lur agen affar.

Ulteriuras infurmaziuns

feusuisse
Associaziun per stgaudaments da locals d'abitar, cuvridas da plattas e sistems da svapurs
Froburgstrasse
4634 Wisen SO
Tel: +41 62 205 90 80
URL: www.feusuisse.ch

Scola spezialisada feusuisse
c/o center da furmaziun SPV
Keramikweg 3
6252 Dagmarsellen
Tel: +41 62 293 35 62
URL: www.feusuisse.ch



berufsberatung.ch