Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Montader / Montadra da binaris AFQ

Montadras e montaders da binaris AFQ construeschan e mantegnan ils binaris e tgiran il conturn da quels.

Lavurs

Transports e viadis cun il tren schanegian l’ambient ed èn sperts e segirs. Las viafiers èn dependentas da vias da traffic construidas a moda precisa ed effizienta. Montadras e montaders da binaris procuran cun lur lavur che la rait da viafier fitg frequentada saja irreproschabla e segira.

Durant la preparaziun da la lavur endrizzan montaders da binaris il plazzal ed al segireschan. Els plazzeschan signals da manischar e signals da fermar e resguardan en quest connex las prescripziuns davart la segirezza da la lavur e dal plazzal specificas per la viafier. Els empostan er il material, ils indrizs e las maschinas ch’els dovran per l’incumbensa.

Montaders da binaris exequeschan las lavurs da fundament necessarias, nivelleschan malgulivezzas, dreneschan il fund en cas da necessitad, tschentan lingias industrialas e segireschan scarpas. Els mettan glera (crappa angulara) sin il fundament e tschentan las traversas sisura. La montascha dals binaris e da las stgomias fan els cun in'auta precisiun.

Durant las controllas dal traject e da las stgomias erueschan ils montaders da binaris defects e donns ed als elimineschan. Els repareschan rodaglias e stgomias, remplazzan material isà, traversas u rodaglias, ed exequeschan las lavurs da planar e da gizzar necessarias.

La tgira dal conturn dals binaris tutga era tar las lavurs dals montaders da binaris. Els segan il pastg, taglian las chaglias sin scarpas, rumeschan la naiv e nettegian e repareschan ils chanals da drenascha e las lingias.

Montaders da binaris lavuran bunamain adina en teams ed èn da tutt’aura or en il liber. Els enconuschan ils privels dal plazzal e protegian sasezs ed ils collegas cun resguardar las prescripziuns da segirezza, prender mesiras per la prevenziun d’accidents e purtar vestgadira da protecziun.

Per schanegiar l’ambient resguardan els las prescripziuns davart la protecziun da l’ambient. Il material da construcziun duvrà dismettan els tenor las prescripziuns dal manaschi.

Scolaziun

Basa legala

Ordinaziun federala 1-11-2013

Durada

3 onns

Furmaziun en la pratica

En in manaschi da la montascha da binaris u tar viafiers publicas u privatas

Furmaziun en scola

Curs en bloc a la scola professiunala da constructurs da vias da traffic a Sursee: per ordinari 9 emnas ad onn, da quellas radund 2 emnas ad onn cun l’accent “montascha da binaris”

Roms professiunals

  • organisar las lavurs e procurar per la segirezza da la lavur, per la protecziun da la sanadad e per la protecziun da l’ambient
  • realisar lavurs generalas en la construcziun da vias da traffic
  • realisar montaschas da binaris
  • Curs ordaifer il manaschi

    Emprender ed exercitar las basas professiunalas en la pratica

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "montader / montadra da binaris AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • senn da responsabladad e da segirezza
  • exactadad
  • abilitad da lavurar en ina gruppa
  • forza corporala
  • buna sanadad

Furmaziun supplementara

Curs

purschidas da scolas professiunalas e scolas spezialisadas, dal center da furmaziun Campus Sursee sco era da curs entaifer il manaschi da la montascha da binaris

Furmaziun da basa scursanida

sondader / sondadra AFQ, tschentapalantschieus industrial e da basa AFQ, sulader / suladra AFQ, construider / construidra da vias AFQ

Examen professiunal (EP)

montader da binaris-polier / montadra da binaris-poliera cun certificat federal

Examen professiunal superiur (EPS)

cun diplom federal: manader / manadra da construcziun bassa, maister / maistra da construcziun

Scola spezialisada superiura (SSS)

cun diplom SSS: tecnicist / tecnicista surveglianza da construcziun, tecnicist / tecnicista planisaziun da construcziun

Scola auta spezialisada (SAS)

Bachelor of Science (SAS) en inschigneria da construcziun

Cundiziuns da lavur

Montaders da binaris lavuran per viafiers publicas u privatas sco er en manaschis da la construcziun da vias da traffic. Ils temps da lavur èn per part irregulars.

Plazzas d’emprendissadi porschan cunzunt las viafiers, sporadicamain era manaschis da la montascha da binaris. Glieud professiunala qualifitgada è fitg tschertgada.

Ulteriuras infurmaziuns

Scola professiunala dals constructurs da vias da traffic
Chascha postala
6210 Sursee
Tel: 041 922 26 26
URL: www.verkehrswegbauer.ch
URL: www.bauberufe.ch

login furmaziun professiunala
Center d'annunzia
Riggenbachstr. 8
Chascha postala
4601 Olten
Tel: 0848 822 422
URL: www.login.org

Revista professiunala:
„B. Magazin - Das Magazin für Verkehrswegbauer“



berufsberatung.ch