Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Gidanter / Gidantra d’hotellaria AFP

Gidantras e gidanters d’hotellaria lavuran en hotels, ospitals u chasas da tgira. Els nettegian las chombras dals giasts, lavuran en la lavandaria e collavuran en il restaurant.

Lavurs

Gidantras e gidanters d’hotellaria procuran ensemen cun lur schefs per il bainstar dals giasts en lur hotel.

Gidanters d’hotellaria èn conresponsabels per urden e nettezza en las chombras dals giasts ed en ils locals communabels. Els fan urden en las chombras, emplainan la minibar e midan la rauba da letg. Ils bogns nettegian els a moda professiunala. Cura che novs giasts arrivan, preparan els cuppas da fritgs u flurs. Els decoreschan ils locals communabels a moda plaschaivla ed organiseschan reparaturas, sch’insatge è defect.

En la lavandaria da l’hotel zavran gidanters d’hotellaria laschiva d’hotel e vestgadira da professiun e lavan, sientan e fan ora cun il fier cun maschinas modernas. Els guardan che las textilias vegnian lavadas e conservadas a moda ecologica e correcta.

Durant l’ensolver preparan gidanters d’hotellaria té, café, bavrondas da latg, toasts, euv. sco era plattas da chaschiel e liongias. Cura ch’ils giasts han finì da mangiar fan els urden.

Gidanters d’hotellaria preparan cun lur team localitads per banchets e seminaris. Els mettan a disposiziun apparats tecnics e portan las sutgas e las maisas giavischadas. Mintgatant decoreschan els las localitads e portan ina marenda als giasts.

Gidanters d’hotellaria èn fidads, amiaivels e servetschaivels. Els han la survista, era sch'els han blers giasts. Els san precis co che las maschinas ed ils apparats funcziunan. Sco collavuraturs en in team lavuran els tenor las instrucziuns da lur schefs. Bleras incumbensas pon els era far a moda autonoma.

Scolaziun

Basa legala

Ordinaziun federala 7-12-2004

Durada

2 onns

Furmaziun en la pratica

En in hotel, ospital u ina chasa da tgira

Furmaziun en scola

Variescha da chantun a chantun: 1 di l'emna a la scola professiunala u 2 curs professiunals interchantunals da mintgamai 5 emnas en in hotel da scola da la hotelleriesuisse

Roms professiunals

  • mantegniment da la valur
  • decoraziun interna
  • provediment da laschiva
  • accumpagnament da giasts en il sectur d’ensolver
  • offis
  • economia da chasa
  • organisaziun dal manaschi
  • segirezza
  • igiena
  • logistica

Curs ordaifer il manaschi

Emprender ed exercitar a moda pratica la basa professiunala

Diplom

Attest federal professiunal "gidanter / gidantra d’hotellaria AFP"

Premissas

Furmaziun preliminara
  • scola populara terminada
Pretensiuns
  • plaschair da la lavur pratica en il tegnairchasa
  • persuna exacta e fidada
  • pront da s’occupar dals giavischs dals giasts
  • curtaschaivel ed amiaivel
  • abel da lavurar en in team
  • saun

Furmaziun supplementara

Curs

las associaziuns professiunalas porschan curs davart differents temas

Spezialist / Spezialista d’hotellaria AFQ

Gidanters d’hotellaria AFP cun attest professiunal federal pon far ina furmaziun da basa scursanida sco spezialist d’hotellaria AFQ (access al segund onn da la furmaziun da basa). Suenter han els las medemas pussaivladads da furmaziun supplementara sco spezialists d’hotellaria AFQ.

Cundiziuns da lavur

Gidanters d’hotellaria AFP lavuran en hotels cun manaschi d’entir onn u manaschi da stagiun. Els lavuran savens malregulà ed era durant las sairas e las fins d’emna. Tut tenor stagiun sa mida il squitsch da lavur.

Gidanters d’hotellaria duessan esser pronts da far l’emprendissadi en regiuns ruralas u en ina regiun turistica. L’intermediaziun da plazzas da fufragnadi e d’emprendissadi da la branscha (www.berufehotelgastro.ch) gida persunas interessadas da tschertgar purschidas en tut las regiuns linguisticas da la Svizra.

Gidanters d’hotellaria motivads e flexibels han bunas schanzas da chattar ina plazza da lavur suenter l’emprendissadi.

Ulteriuras infurmaziuns

Hotelleriesuisse
Marketing e vendita Furmaziun
Monbijoustr. 130
Chascha postala
3001 Berna
Tel: 031 370 41 11
URL: www.berufehotelgastro.ch

GastroSuisse
Marketing da la generaziun giuvna
Blumenfeldstr. 20
Chascha postala
8046 Turitg
Tel: 0848 377 111
URL: www.berufehotelgastro.ch




berufsberatung.ch