Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Spezialist / Spezialista d’infurmaziun e documentaziun AFQ

Spezialists e spezialistas d’infurmaziun e documentaziun lavuran en bibliotecas, posts da documentaziun ed archivs. Els elegian, fan accessibel, magasineschan, conservan e transmettan medias ed infurmaziuns.

Lavurs

Spezialists e spezialistas d’infurmaziun e documentaziun lavuran en partiziuns da documentaziun da bancas, assicuranzas ed administraziuns publicas, en archivs privats e publics, en bibliotecas communalas, municipalas e chantunalas, en bibliotecas d’instituts e d’universitads sco era en interpresas da medias. Els s’occupeschan da l’elavuraziun e da la communicaziun d’infurmaziuns e da purtaders d’infurmaziun.

En lieus da lavur fitg differents sa fatschentan spezialistas d’infurmaziun e documentaziun I+D cun differentas infurmaziuns e cun purtaders d’infurmaziun. En archivs lavuran ellas oravant tut cun actas e dossiers en furma electronica. En bibliotecas publicas èn cunzunt DVDs, cudeschs e documents digitals d’impurtanza. En bibliotecas scientificas lavuran las persunas spezialisadas cun cudeschs da perscrutaziun sco era cun revistas electronicas. En posts da documentaziun s’occupeschan ellas cunzunt cun retschertgas e l’elavuraziun da dossiers tematics.

Spezialistas I+D prendan part a la furmaziun da secziuns d’archiv da medias. Ellas empostan medias en librarias, en l’internet u directamain tar l’autur u tar l’autura. Per pudair chattar las medias e las infurmaziuns pli tard las rendan ellas accessiblas. Ellas registreschan il titel ed autras indicaziuns d’in document tenor reglas da cataloghisar en ina banca da datas. Al document fisic dattan ellas ina signatura. Tar ils pensums da spezialistas d’infurmaziun e documentaziun tutga era l’ordinaziun e la conservaziun adequata da las medias.

Las medias rimnadas cuntanschan lur intent pir cura che ellas vegnan utilisadas. Las spezialistas I+D sustegnan ils utilisaders e las utilisadras en lur retschertgas, als explitgan ils catalogs, las bancas da datas ed ulteriurs instruments da retschertga ed emprestan documents. En bibliotecas publicas u bibliotecas da scola sa participeschan ellas per exempel ad introducziuns per classas ed organiseschan vernissaschas da cudeschs.

La retschertga èn ina lavur centrala da spezialistas I+D: Ellas tschertgan novas medias per la cumpra sco era exemplars gia acquistads davart temas specifics per ils clients. Spezialistas I+D lavuran independentamain cun differentas datas da banca differentas, cun catalogs da la cuminanza, cun raits e sur l’internet.

Scolaziun

Basa legala

Ordinaziun federala 19-9-2008 cun midadas dals 30-10-2014

Durada

3 onns

Furmaziun en la pratica

En ina biblioteca, en in post da documentaziun, en in archiv, en in’instituziun da l’economia privata u en in’administraziun

Furmaziun en scola

1 fin 2 dis per emna a la scola professiunala a Berna u a Turitg

Roms professiunals

  • acquistar e surpigliar
  • far accessibel
  • conservar e mantegnair
  • tecnica d’infurmaziun e da reproducziun
  • communicaziun interna ed externa
  • retschertga
  • infurmaziun e cultura
  • administraziun

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist / spezialista d’infurmaziun e documentaziun AFQ"

Premissas

Furmaziun preliminara
  • scola populara terminada, stgalim superiur
Pretensiuns
  • flexibilitad intellectuala
  • mirveglias
  • patratgar analitic e sistematic
  • talent per linguas (a bucca ed en scrit)
  • abilitad da communitgar
  • fidadadad
  • senn per urden
  • conscienza da servetschs
  • interess vi da tecnologias d’infurmaziun e vi da medias electronicas

Furmaziun supplementara

Curs

purschidas da scolas spezialisadas e professiunalas sco era d’organisaziuns dal mund da lavur

Scola auta spezialisada (SAS)

Bachelor of Science da scienza d’infurmaziun a la STE a Cuira u Bachelor of Science d’infurmaziun documentara a la Haute école de gestion a Genevra

Cundiziuns da lavur

Pussaivladads d’engaschament porschan bibliotecas da tuttas sorts, archivs privats e publics sco era posts d’infurmaziun e da documentaziun da bancas, assicuranzas, administraziuns publicas, redacziuns da medias, centers da perscrutaziun, ospitals, organisaziuns senza finamira da profit euv. Pli e pli interpresas ed instituziuns engaschan persunas spezialisadas per servetschs d’infurmaziun. Ins po lavurar a temp cumplain u a temp parzial.

Ulteriuras infurmaziuns

Ausbildungsdelegation I+D
Hotelgasse 1
3000 Bern 7
Tel: 031 382 49 65
URL: www.ausbildung-id.ch

Revistas professiunalas:
"arbido"




berufsberatung.ch