Cunteller AFQ
Cuntellera AFQ

• skizzar propostas per sclerir la realisabladad d'in project
• fixar ils pass da lavur, il material, ils custs ed ils termins, far in'offerta
• modellar ils differents elements cun agid d'in program CAD
• producir in prototip, p.ex. cun in stampader 3D
• procurar per il material necessari per las lavurs da cuntellaria
• a maun d'in dissegn u d'ina schablona segnar e marcar las dimensiuns da la loma u dal manetsch, p.ex. sin in toc criv d'atschal u da materia sintetica

• producir ils singuls tocs cun ina maschina CNC u cun maschinas convenziunalas sco turns automatics
• resgiar, tagliar e mular tolas d'atschal u profils per als furmar sco giavischà
• storscher il material en in stadi chaud e fraid en la furma giavischada
• furmar il metal stgaudà a cotschen da burnì per far la nizza giavischada, e cuntanscher la direzza necessaria cun tractaments da chalur
• furar las foras da passadi e da satg, tagliar e rudlar las crennadiras, smuttar ils urs gizs
• raffinar, mular, nettegiar e gizzar la loma – tut tenor il material e l'intent d'utilisaziun

• tscherner il material dal moni, p.ex. lain, corna, ossa, tgirom, fibra da charvun u titan
• preparar e producir monis e fixaziuns

• nettegiar, barschunar, pulir u prender la glischur da la loma
• tatgar ensemen tocs da metal e da materia sintetica
• preparar parts per il tractament da la surfatscha e stritgar si surtratgas cunter corrusiun, per ch'i na dettia nagina ruina
• metter ensemen ed adattar molas e monis
• controllar e documentar products finids

• giuditgar il stadi da l'utensil da tagliar
• demontar, nettegiar e mantegnair lomas da forschs, cuntels u segapastgets
• remplazzar ed adattar tocs da reserva, monis sco er las crosas dal moni da metal, materia sintetica u material natiral
• glimar e gizzar ils utensils da tagliar tut tenor la furma ed il material
• mantegnair utensils e maschinas sco maschinas da pulir, smerigliadra a bindel, turn automatic, maschina da fresar e maschina da furar

Vender utensils da tagliar

• cussegliar clientas e clients: d'ina vart persunas che cumpran utensils da tagliar per il diever privat, da l'autra vart utilisadras ed utilisaders professiunals
• vender products artisanals u producids industrialmain
• realisar incumbensas administrativas, p.ex. scriver quints, far preventivs dals custs e manar la contabilitad