Zum Titel springen

Nettegiader / Nettegiadra d’edifizis AFQ

Nettegiadras e nettegiaders d’edifizis nettegian e tgiran spazis exteriurs ed interiurs, edifizis, meds da transport e lur indrizs. Els surpiglian er incumbensas pretensiusas sco cumbatter parasits u allontanar graffitis.

Lavurs

Els exequeschan suandantas lavurs:

Preparar la lavur
  • respunder dumondas da la clientella, calcular custs e material
  • planisar la lavur, fixar termins e plans da lavur
  • preparar guaffens, apparats, maschinas e material da nettegiar tenor perscripziuns
  • gidar d'installar palancas, auzaders u plattafurmas spezialas, enconuscher e far diever da las mesiras da segirezza
  • eleger ensemen cun ils manaders dal team ils meds da nettegiar, ils products ed ils tractaments da protecziun adattads per nettegiar in object (p.ex. Ord tge material è il object? Tge sort da polluziun sto vegnir allontanada?)
  • preparar products e maschinas
Nettegiar e tgirar
  • scuar, far cun il tschitschapulvra, barschunar surfatschas en abitaziuns e biros, far giu pulvra e tgirar las mobiglias
  • far diever dals meds da nettegiar (products aschs, neutralas, alcalics u dissolvents) tenor perscripziun e far stim che quels na sajan betg nuschaivlas a l'ambient ed a la sanadad
  • schampunar tarpuns e far il nettegiament a sitg per textilias delicatas
  • nettegiar fatschadas e palantschieus cun maschinas adattadas, per exempel nettegiaders a pressiun auta, maschinas da scuar e da tschitschar, maschinas da lavar si e tschitschar u indrizs da nettegiar fanestras
  • nettegiar e dischinfectar salas d'operaziun, chombras da pazients ed indrizs en clinicas e ospitals a moda professiunala
  • tractar palantschieus e paraids a moda correcta, p.ex. impregnar, dar en ieli u sigillar
  • far controllas da qualitad, communitgar cun la clientella e surdar ils objects nettegiads
  • mantegnair las maschinas e las apparaturas e far pitschnas reparaturas nua ch'i fa basegn
  • dismetter il rument adattà a l'ambient u als reciclar
  • enconuscher las mesiras da la protecziun da l'ambient e la segirezza da lavur e purtar vestgadira da protecziun correspundenta

Scolaziun

Basa legala

Ordinaziun federala 15-9-2010 (versiun dal 1-1-2018)

Durada

3 onns

Furmaziun en la pratica

En in manaschi da nettegiar

Furmaziun en scola

1 di l’emna a la scola professiunala

Roms professiunals

  • nettegiament, tgira, mantegniment
  • segirezza da la lavur, protecziun da la sanadad, protecziun da l’ambient, igiena
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "nettegiader / nettegiadra d’edifizis AFQ"

Premissas

Furmaziun preliminara
  • temp da scola obligatoric terminà
Pretensiuns
  • enclegientscha pratica
  • sanadad robusta
  • buna constituziun e movibilitad corporala
  • naginas allergias (en connex cun products da nettegiar)
  • senza sturnizi
  • abilitad da lavurar en in team e buna demananza
  • plaschair da lavurar en differents lieus

Furmaziun supplementara

Curs

purschidas da scolas spezialisadas e professiunalas sco era da l’Associaziun da las interpresas svizras da nettegiament Allpura (p.ex. curs da chemicalias, cumbat cunter parasits, nettegiament da fatschadas, euv.)

Examen professiunal (EP)

spezialist / spezialista per nettegiar edifizis cun certificat professiunal federal

Examen professiunal superiur (EPS)

nettegiader d’edifizis dipl.;
manadra facility management e mantegniment dipl.

Scola spezialisada superiura (SSS)

p.ex. manader / manadra da gestiun dipl. en Facility Management SSS

Scola auta spezialisada (SAS)

studis en direcziuns parentadas, p.ex. Bachelor of Science (SAS) en Facility Management. Tut tenor scola auta spezialisada valan differentas cundiziuns d'admissiun.

Cundiziuns da lavur

Nettegiaders d’edifizis lavuran en manaschis da nettegiament da differenta grondezza e direcziun. Els han savens temps da lavur irregulars e lavuran era las sairas e las fins d’emna.

Nettegiaders d’edifizis èn persunas professiunalas tschertgadas. Cun ina furmaziun supplementara correspundenta han els bunas schanzas da far carriera.

Ulteriuras infurmaziuns

Allpura Associaziun da las interpresas svizras da nettegiament
Secretariat da curs e d’examens
Tribschenstr. 7
Chascha postala 3065
6002 Lucerna
Tel: +41 41 368 58 22
URL: www.allpura.ch



berufsberatung.ch