Lavurs
Els exequeschan suandantas lavurs:
Preparar maisas e far bain vegni als giasts
- cuvrir e decorar las maisas
- controllar schebain ils magiels, la porcellana, la pusada ed ils stgaudaplattas èn nets
- faudar las serviettas
- salidar ils giasts
- accumpagnar ils giasts tar la maisa reservada, prender encunter las giaccas dals giasts e las pender vid la gardaroba
Tgirar ils giasts
- cussegliar ils visitaders a moda cumpetenta pertutgant la schelta da bavrondas e spaisas, er en ina segunda lingua naziunala u englais
- recumandar bavrondas che van bain a prà cun ils menus
- decorar e preschentar las spaisas a moda plaschaivla
- derscher suenter bavrondas
- purtar il quint ed incassar la summa
Davos las culissas
- coordinar las lavurs cun ils auters ressorts dal manaschi
- organisar eveniments tenor l'incumbensa dal manaschi
- savair preparar sez simplas spaisas sch'i fa basegn
- nettegiar mobiglias ed apparaturas
- magasinar rauba
Scolaziun
Basa legala
Ordinaziun federala 6-11-2018 (versiun dal 9-7-2019)
Durada
3 onns
Furmaziun en la pratica
En in restaurant, hotel u manaschi da la gastronomia collectiva
Furmaziun en scola
Tut tenor chantun different: 1 di per emna a la scola professiunala / 2 curs professiunals interchantunals (mintgamai 5 emnas) per onn en in hotel da scola da hotelleriesuisse
Roms professiunals
- agir sco hoteliera u hotelier
- arranschar il servetsch da bavrondas
- organisar il servetsch da spaisas
- realisaziun dals process d'economia da manaschi e da la vendita
-
mantegniment dals process logistics e da la valur - organisar spezialas purschidas dal manaschi
- segunda lingua
Curs ordaifer il manaschi
Tar differents temas
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "Spezialist / spezialista da restaurant AFQ"
Premissas
Furmaziun preliminara
- temp da scola obligatoric terminà
Pretensiuns
- plaschair vi dal contact cun giasts
- cumparsa cultivada e buna demananza
- prontadad da servetschs
- buna memoria
- bun dun receptiv
- spiert da gruppa
- flexibilitad ed abilitad da supportar squitsch
- talent d’organisaziun
- enconuschientschas da linguas estras
- conscienza d’igiena
- bun gust e bun nas
- buna sanadad
Furmaziun supplementara
Curs
purschidas da las associaziuns professiunalas
Furmaziun da basa scursanida
cuschinier / cuschiniera AFQ, spezialist / spezialista d’hotellaria AFQ
Curs spezialisà
management dal front office (hotelleriesuisse)
Examen professiunal (EP)
cun certificat federal:
manader / manadra da sectur restauraziun, manader / manadra da gestiun gastro, manader / manadra da sectur hotellaria economia da chasa, schef / scheffa da recepziun
Examen professiunal superiur (EPS)
manader / manadra dipl. restauraziun, manader / manadra dipl. gastronomia collectiva, manader / manadra dipl. hotellaria-economia da chasa, interprendider / interprendidra dipl. gastro euv.
Scola spezialisada superiura (SSS)
p.ex. hotelier / hoteliera dipl. restauratur / restauratura dipl. (SSS)
Scola auta spezialisada (SAS)
Bachelor of Science (SAS) en International Hospitality Management, Bachelor of Science (SAS) en turissem euv.
Cundiziuns da lavur
Spezialists da restaurant lavuran en restaurants, en hotels u en ils manaschis da la gastronomia sistematica e gastronomia da cuminanza (restaurants da persunal). Il temp da lavur è irregular e po durar enfin tard la saira. Dumengias e firads èn dis da lavur spezialmain intensivs.
La bursa da fufragnadis e d’emprendissadis da la branscha www.berufehotelgastro.ch gida interessads ed interessadas tar la tschertga suenter purschidas en tut las regiuns linguisticas da la Svizra.
Spezialists da restaurant cun enconuschientschas da linguas estras e pratica professiunala èn tschertgads ed han cun la furmaziun supplementara correspundenta bunas schanzas sin plazzas da lavur en il cader.
Ulteriuras infurmaziuns
Infurmaziuns professiunalas e plazzas d'emprendissadi da la hotellaria e da la gastronomia
URL: www.berufehotelgastro.ch
GastroSuisse
Tel: +41 848 377 111
URL: www.berufehotelgastro.ch
Hotelleriesuisse
Tel: +41 31 370 42 83
URL: www.hotelleriesuisse.ch
Hotel & Gastro formation
URL: www.hotelgastro.ch