Zum Titel springen

Fabritgader / Fabritgadra da tschivlots d'orglas AFQ

Fabritgaders e fabritgadras da tschivlots d'orglas fabritgeschan e reparan parts da tschivlots d'orglas che fan tunar las orglas. Els elimineschan disturbis e mancanzas, intuneschan ils tschivlots e cusseglian ils construiders e las construidras d'orglas.

Lavurs

Els exequeschan suandantas lavurs:

Far offertas
  • prender encunter giavischs da la clientella e decider tge tschivlots ch'èn il pli adattads per l'orgla
  • planisar la lavur (temp, material e guaffens)
  • far la calculaziun dals custs
  • far skizzas da las parts dals tschivlots che duajan vegnir producids
Fabritgar tschivlots d'orglas
  • luar zin e plum en in furn da luar e far ordlonder in liament
  • cular plattas da metal ord il liament
  • tagliar ord las plattas da metal las parts dals tschivlots
  • buglir ensemen las parts singulas
  • tagliar ils bischens dals tschivlots en la dretga lunghezza
  • intunar ils tschivlots
  • semtgar ils tschivlots per la spediziun u per als surdar a la clientella
Mantegnair ils tschivlots
  • nettegiar ils tschivlots e valitar il stadi
  • decider davart las mesiras da la reparatura
  • curreger il tun dals tschivlots

Scolaziun

Basa legala

Ordinaziun federala dals 9-10-2019

Durada

4 onns

Furmaziun en la pratica

En in lavuratori da tschivlots u en in affar da construcziun d'orglas cun lavuratori da tschivlots

Furmaziun en scola

Curs da bloc al center da furmaziun Arenenberg a Salenstein (TG) (instrucziun bilingua: tudestg e franzos)

Roms professiunals

  • realisar incumbensas
  • construir e reparar instruments da musica
  • mantegnair e regular instruments da musica
  • preparar ils instruments fin ch'els èn pronts per vegnir sunads

Curs ordaifer il manaschi

Emprender ed utilisar en la pratica la basa dal mastergn

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "Fabritgader / fabritgadra da tschivlots d'orglas AFQ"

Premissas

Furmaziun preliminara
  • temp da scola obligatoric terminà
  • instrucziun instrumentala d'orgla u d'in auter instrument è d'avantatg
Pretensiuns
  • inschign manual
  • imaginaziun dal spazi

Furmaziun supplementara

Curs

purschidas da scolas professiunalas e d'associaziuns professiunalas, p.ex. da la Cuminanza d'interess per construiders d'instruments da musica IGMIB u da la Societad svizra dals construiders d'orglas GSO

Scola auta spezialisada (SAS)

Studis en direcziuns spezialas parentadas, p.ex. creader diplomà/creadra diplomada en design da products (SAS)

Scola auta professiunala (SAP)

Studis en direcziuns spezialas parentadas, p.ex. Bachelor of Arts (SAP) en design da products e d'industria u Bachelor of Science (SAP) en Fine Arts

Cundiziuns da lavur

Fabritgaders / fabritgadras da tschivlots d'orglas AFQ lavuran en lavuratoris u là, nua che l'orgla sa chatta – p.ex. en baselgias, instituziuns da furmaziun, salas da concerts u locals privats. Il martgà da lavur è pitschen en Svizra, ma la dumonda da spezialists talentads è stabila. Suenter plirs onns experientscha professiunala e cun l'engaschament necessari han spezialists la pussaivladad d'avrir in agen atelier.

Ulteriuras infurmaziuns

Cuminanza d'interess construiders d'instruments da musica
c/o Elin Office AG
Amthausgasse 3
3011 Berna
Tel: +41 31 313 20 00
URL: www.musikinstrumentenbauer.ch




berufsberatung.ch