Zum Titel springen

Elavuratur / Elavuratura da materia sintetica AFP

Elavuraturas ed elavuraturs da materia sintetica fabritgeschan products da materia sintetica. Els survegnan lur incaricas da lur superiurs. Els fan ir maschinas ch'èn necessarias per la producziun da products da materia sintetica, els surveglian quellas e termineschan las incaricas.

Lavurs

Els exequeschan suandantas lavurs:

Fabritgar products da materia sintetica
  • fabritgar or da differentas sorts da materia sintetica differents products sco artitgels medicinals, apparats per il tegnairchasa, emballadis u cumponentas per l'industria d'autos, da maschinas u da l'aviatica
  • producir ils products da materia sintetica a maun u cun agid da proceduras automatisadas, per exempel cun metodas da squitschar 3D, stritgar e sprizzar, laminar, buglir, elavurar a moda termica resp. mecanica
  • preparar ed examinar avant la producziun las maschinas, il plaz da lavur ed ils utensils necessaris
  • far ir ils indrizs da high-tech e surpigliar tut las configuraziuns tenor las instrucziuns
  • survegliar il process da la producziun ed eliminar disturbis vid la maschina u rapportar ella a la persuna responsabla
Ulteriuras lavurs
  • mantegnair las maschinas ed ils indrizs e far quità latiers dals products da materia sintetica e las maschinas savens charas
  • discurrer davart ils problems cun las autras partiziuns ed interprender mesiras per che la producziun possia vegnir organisada persistenta ed economica

Scolaziun

Durada

2 onns

Furmaziun en la pratica

En in manaschi industrial ch'elavura materias sinteticas

Furmaziun en scola

1 di l'emna a la scola professiunala ad Aarau u Rapperswil u S. Imier

Roms professiunals

  • HKB A-D: process da producziun , preparaziun, metter en funcziun, survegliar, terminar
  • HKB E: elavurar tocca en elavuraziun

Curs ordaifer il manaschi

Emprender ed exercitar las basas professiunalas (22 dis durant 2 onns)

Diplom

Attest federal professiunal "elavuratur / elavuratura da materia sintetica AFP"

Premissas

Furmaziun preliminara
  • temp da scola obligatoric terminà
Pretensiuns
  • interess tecnic ed enclegientscha tecnica
  • inschign manual
  • bun'imaginaziun dal spazi
  • flexibilitad en connex cun il temp da lavur

Furmaziun supplementara

Curs

purschidas d’associaziuns e da scolas professiunalas

Tecnolog / Tecnologa da materias sinteticas AFQ

Elavuraturs / elavuraturas da materia sintetica AFP pon frequentar ina furmaziun da basa scursanida sco tecnolog / tecnologa da materias sinteticas AFQ (entrada en il 2. onn da la furmaziun da basa)

Cundiziuns da lavur

Elavuraturs ed elavuraturas da materia sintetica lavuran en manaschis industrials ch'elavuran materia sintetica, davent da manaschis pitschens fin concerns ch'èn activs sin palancà internaziunal.

Els survegnan las incaricas da las persunas superiuras e lavuran savens en in team. Elavuraturs ed elavuraturs da materia sintetica en la producziun èn disadas vid engaschaments da lavurar flexibels e vid lavur en squadras.

Ulteriuras infurmaziuns

KUNSTSTOFF.swiss
Schachenallee 29 C
5000 Aarau
Tel: +41 62 834 00 60
URL: https://kunststoff.swiss





berufsberatung.ch