Lavurs
Els exequeschan suandantas lavurs:
Sbartgar e partir da las navs
- transportar ils bains, chargiar e stgargiar las navs, controllar e segirar la chargia ed esser attents a la stabilitad da las navs
- gidar tar il sbartgament e durant la partenza da las navs e preparar da fermar u da far liber las navs dal port da sbartgar
- fermar u far liber la nav manualmain u cun agid da meds mecanics a moda professiunala e segira
- communitgar sur func cun il chapitani avant e durant il manevrar, far da savair las distanzas fin il quai u fin la porta da la sclusa
a bord da las navs
- navigar la nav sut surveglianza dal chapitani e manevrar il timun, ils motors e meds nautics sco il radar, il func e l’echolot
- tener en l'egl apparats sco l’indicatur da la pressiun da l’ieli, il dumbragirs, ils turns e las pumpas
- prender mesiras adequatas tenor las situaziun dada tar disturbi
- procurar per la segirtad prescritta dals passagiers.
- mantegnair e tgirar las navs, utensils d’equipament, indrizs idraulics, pneumatics ed electrics, sistems da bord ed indrizs da tracziun e da perfuraziun
- far guardia en roda, controllar ils locals da las maschinas e duvrar bandieras e glischs da signal
- resguardar las prescripziuns da la lescha sco era l’utilisaziun adequata cun bains da privel e restanzas
- respectar las directivas davart la segirezza da la lavur e da la sanadad e davart la protecziun da l’ambient
Scolaziun
Basa legala
Ordinaziun federala 21-4-2011 (versiun dal 1-1-2018)
Durada
3 onns
Furmaziun en la pratica
Sin ina nav sin il Rain
Furmaziun en scola
Instrucziun en bloc a la scola professiunala Schiffer-Berufskolleg Rhein, Duisburg (GER)
Roms professiunals
- gidar da trair las navs tar in auter plaz da giaschair
- gidar da navigar
- gidar da transportar ils bains e persunas
- gidar da mantegnair e tgirar las navs ed ils implants
- resguardar las prescripziuns
Maturitad professiunala
Abitur professiunal a la scola professiunala Schiffer-Berufskolleg Rhein, Duisburg (GER)
Diplom
Attestat federal da qualificaziun "mariner / marinera da la navigaziun interna AFQ"
Premissas
Furmaziun preliminara
- temp da scola obligatoric terminà
- tut tenor la scola differentas cundiziuns; per ordinari è in fufragnadi giavischà
Pretensiuns
- buna sanadad e resistenza a l’aura
- plaschair vi da la lavur pratica ordadora
- inschign manual
- senn da responsabladad
- nagins disturbis da la vesida da colurs
- nagina sensibilitad envers canera e vibraziuns
- naginas allergias
- prontadad da lavurar da temps irregulars
Furmaziun supplementara
Curs e spezialisaziun
certificat ADN per transports da bains da privel, timunier / timuniera (suenter 5 onns experientscha da navigaziun), chapitani / chapitania cun patent da navs sin il Rain (examen da maister / maistra) e suenter patent da radar
Navigaziun sin l’auta mar
tar midada e furmaziun supplementara adequata e qualificaziun: navigatur / navigatura, radiofonist / radiofonista ed uffizier / uffiziera da navs
Examen professiunal (EP)
cun certificat professiunal: spezialist / spezialista da duana, policist / policista (tar la polizia dal Rain)
Midada en auters secturs da la navigaziun interna
chapitani / chapitania sin navs da pumpiers, da la protecziun da las auas, en il sectur da la construcziun idraulica, guardian / guardiana da sclusas, possessur / possessura da l’atgna nav da bains, navs-cisterna u navs da passagiers, navigatur / navigatura sin lais svizzers, lavurs d’administraziun en atgna societad da navigaziun u agentura da port euv.
Cundiziuns da lavur
Mariners da la navigaziun interna AFQ lavuran per meds da traffic internaziunals (societads da navigaziun u possessur da navs independent). Lur lavur en la navigaziun interna è fitg pretensiusa. Els vivan e lavuran sin la nav ed èn savens sin viadi durant pliras emnas sur ils cunfins ora. Per ordinari lavuran els en in team e da tutt’aura, era durant la notg e las fin d’emnas. La segirezza a bord è fitg impurtanta. Perquai portan mariners da la navigaziun interna vestas da nudar e chalzers da segirezza. Igl è scumandà da consumar alcohol e drogas sin la nav. Tar il servetsch d’instrucziun da la cussegliaziun da professiuns a Basilea chattan ins ina glista da purschiders d’emprendissadi.
Ulteriuras infurmaziuns
Schweizerische Vereinigung für Schifffahrt und Hafenwirtschaft
4019 Basel
Tel: +41 61 631 29 19
URL: www.svs-ch.ch